ኮሚሽኑ በዓሉ በሰላም እንዲከበር አስፈላጊውን ዝግጅት ማድረጉን አስታወቀ

ኮሚሽኑ በዓሉ በሰላም እንዲከበር አስፈላጊውን ዝግጅት ማድረጉን አስታወቀ

አዲስ አበባ ፣ ታህሳስ 28 ፣ 2011 (ኤፍ ቢ ሲ) የገና በዓል በሰላም እንዲከበር አስፈላጊውን ዝግጅት ማድረጉን የአዲስ አበባ ፖሊስ ኮሚሽን አስታወቀ።

ኮሚሽኑ ለጣቢያችን በላከው መግለጫ በተለይም በገበያ ቦታዎች እና የሰዎች እንቅስቃሴ በሚበዛባቸው ቦታዎች እንዲሁም በመዝናኛ ስፍራዎች አስፈላጊውን ቁጥጥር እና ጥበቃ ማድረግ የሚያስችል ስምሪት ማድረጉን አስታውቋል።

ከበዓሉ ጋር በተያያዘ የሚከሰቱ የደንብ መተላለፎች ላይ ትኩረት በማድረግ የትራፊክ ቁጥጥሩን አጠናክሮ እንደሚቀጥልም ገልጿል።

ህብተሰቡም በዓሉ በሰላም እንዲከበር የበኩሉን አስተዋጽኦ እንዲያድርግም ጥሪውን አቅርቧል።

የፖሊስን አገልግሎት ለማግኘት አልያም አጠራጣሪ ነገሮች ሲያጋጥምም በ991 ወይም 816 የነጻ ስልክ መስመሮችን እንዲሁም፤ 011 869 83 23፣ 011 869 90 15 መጠቀም ይቻላል ብሏል።

ለመላው የክርስትና እምነት ተከታዮችን በዓሉ የሰላም እንዲሆን መልካም ምኞቱን ገልጿል።

Source: Fana Broadcasting